Алесь Дашчынскі, Менск На выезьдзе з Горадні затрыманыя актывісты прадпрымальніцкага руху Валеры Леванеўскі і Аляксандар Васільеў. Аўтамабіль, на якім яны ехалі, прыкладна а 6.40 раніцы, спынілі супрацоўнікі Дзяржаўтаінспэкцыі. Яны праверылі дакумэнты і зрабілі дагляд рэчаў. Міліцыянты сказалі, што аўтамабіль, на якім ехаў спадар Леванеўскі, нібыта знаходзіцца ў росшуку.

У спадара Леванеўскага забралі дакумэнты, і цяпер ён знаходзіцца ў аддзеле міліцыі Гарадзенскага раёна. Аляксандра Васільева ўжо дапыталі.

Дзяжурны Гарадзенскага раённага аддзелу міліцыі сказаў, што спадароў Леванеўскага і Васільева даставілі супрацоўнікі ДАІ.

“Яны ехалі на машыне, якая па нумарах супадае з машынай, на якой, паводле сьведак, учынілі крадзёж”.

Спадар Леванеўскі сказаў, што аўтамабіль, на якім яны ехалі, абшукваюць. Дзеяньні міліцыі ён пракамэнтаваў так:

“Гэта правакацыя, каб мяне не выпусьціць у Менск на мітынг прадпрымальнікаў, які адбудзецца сёньня”.

Учора машыну з Валерыем Леванеўскім і Аляксандарам Васільевым ў Горадні спыніў АМАП. У іх праверылі дакумэнты, а аўтамабіль, які належыў спадару Васільеву, абшукалі, спаслаўшыся на тое, што ён нібыта знаходзіцца ў росшуку з кастрычніка мінулага году. Пасьля гэтага абодвух адпусьцілі.


<a href="http://www.svaboda.org" target="_blank">Радыё Свабода

Полезные ссылки по теме:

Левоневский вышел на свободу

Распорядок дня для административно арестованных в Спецприемнике Октябрьского РОВД г. Гродно. Условия содержания глазами правозащитника. С комментариями.

Открытое письмо из спецприемника Октябрьского РОВД г.Гродно, камера №3

Опять арестован

Валерий Левоневский

« Главная страница